MCC chungchanga hriat tur tarlang

Election Commission of India-in Lok Sabha MP inthlanpui neih hun tur a puan ruala India ram puma Model Code of Conduct (MCC) kalpui nghal a nih angin, nimin khan sorkar thuchhuah chuan MCC chungchanga hriat tur pawimawh ṭhenkhat a tarlang.

Sorkar thuchhuahah chuan, sorkar bungrua leh hmunhma (property) hrang hrangah banga thil ziah te, poster/lehkha târ te, cutout/hoarding, banner leh flag târte leh thil dangte tih phal a ni lo tih tarlan a ni.

HRIAT TUR TARLAN ṬHENKHAT

☑ Vantlang bungrua tihhmélhem leh vantlang hmun a nih dan tur ang loa hman khap a ni.

☑ Banga thil ziah/poster/lehkha târ, cutout/hoarding, banner, flag leh a dangte chu bus stand, airport, sorkar bus, electric/ telephone ban, municipal/ local body building leh vantlang hmun dangahte tàr khap a ni.

☑ Phalna la hmasa loa mimal in leh compound-a political advertisement târte lak thlak vek tur.

☑ Political party leh candidate emaw, inthlanpui kaihhnawiha thawk zinga election duty-a chhuak official tih lohte chu campaign nan emaw, inthlanpui kaihhnawiha zin chhuahna atan sorkar lirthei (official vehicle) hman phal a ni lo.

☑ Central/state sorkar official website-a minister, politician emaw, political party-te tarlanna paih vek tur.

☑ MCC kalha hnathawh a awm loh nan inthlan puan a nih aṭanga darkar 72 hnuah chuan sorkar hnuaia hmasawnna hnathawh hrang hrang - hna thawh mek leh la thawh ṭan lohte chu DEO hnenah hriattir tur a ni.