LE & IT Minister-in mistiri training a hawng

Labour Employment & Industria Training (LE&IT) minister Lalrinmawia Ralte chuan, nimin khan khan Mission Foun-dation Movement leh North East Rural Live-lihood Programme (NERLP) ṭangkawp buat-saih mistiri training thla thum awh tur chu MFM Life Skill Training Centre, Bawngkawnah a hawng.

Lalrinmawia Ralte chuan training turte chu midangte zirtir chhawng leh thei tur khawpa an thil zira ṭhahnem ngai turin a chah a, "Kan ramin mistiri hi kan la mamawh zel dawn a, chuvangin in thil zirah thiamna bakah quality lam ngai pawimawh a pawimawh. Mizoram aṭanga hnathawk tura tirhchhuahte hi a tlangpuiin an hnathawhah an fel in an hawihhawm a, Mizo hmingte pawh an ti
ṭha ṭhin a ni," a ti.

Training tur hian Aizawl district chhunga khaw pasarih aṭangin mi 30 thlan an ni a, an zir zawh hnuah an thawhna tur zawnpui an ni ang.