Sorkarin zirlaite tan hma la zel

Education minister H Rohluna chuan, zirlaite'n zirna ṭha (quality education) an hmuh theihna atan Mizoram sorkarin theihtawp a chhuah thu a sawi.

Nimina Holy Angel School-in an kum 25 (silver jubilee) tlin an lawm a hman puinaah thu sawiin Education Minister chuan, "Zirlaiten zirna ṭha an hmuh theihna atan sorkar chuan hma a la a, kum danga awm ngai lo thil thar pawchhuakin, a ṭha lo lai nia hriatte an siam ṭha mek zel. Naupang taimate'n percentage sang zawk an hmu theihna atan marks endik dan thar Integrated Evaluation Scheme kum 2016-17 aṭangin hman ṭan a ni," a ti.

H Rohluna tarlan danin, IES-ah hian internal assessment atan mark 20 dah a ni.