Lirthei pariat haltu man

Nilaini zan dar 11:30 vela Venghluia Robert Zosangliana garage-a dah lirthei pariat haltu nia rinhleh VL Remtluanga (32) s/o MC Kaptluanga, Venghlui chu Ningani zan dar 9 vel khan police-in an man.

Police hnen aṭanga thudawn danin, VL Remtluanga hian lirtheite a hal a ni tih a puang tawh a, mahse a tum reng vanga hal a nih loh thu a sawi a, "Garage-ah ka kal a, thil ka zawng a, lehkha ka hal a, lirtheite hi a kang kai a ni," a ti. Police-te chuan thuzawhfiah turin VL Remtluanga hi an la kawl a ni.

Garage-a lirthei kângte chu - WagonR car pakhat, Bullet bike pali, scooty pahnih leh Karizma bike pakhat a ni a; an vai hian an kang chhe hlawm hle a ni.