Thingdawlah sakhi man a ni

Kolasib police-te chuan Ningani tlai khan mobile duty an neih laiin Thingdawl Highway Restaurant-at sakhi an man a, sakhi hi sahuanah dah tum a ni.

Sakhi hi Thingdawl khelmual aṭangin mi pathumin an um a, restaurant tuala floor tile-ah tlan thei loin, a tlu a, police-te hian an man a ni.

A hriselna dinhmun enfiah tura AH&Vety dept.-a mithiamte koh an nih hnuah police leh Forest dept.-te chuan hmalak zel dan tur an sawiho hnuah sahuana dah tura tih a ni.

Kolasib Forest dept. hna-thawkte chuan tunlaiin Thingdawl ramah keite a awm a, hei hi hlauin sakhi hi khaw chhungah a tlanlut niin an ngai. Sakhi taksa-ah hian hamna serte pawh a awm.