Mitthi phûm tawh phawrh leh

April 5, 2016-a thi Lalhmingsangi (26) w/o Hrangrotluanga, Khawzawl Vengthar chu a thih danah rinhlelhawm a awma ngaih a nih avangin nimin khan a ruang phawrh leh a ni a, Khawzawl dam-dawi-inah doctor-te'n a ruang an endik.

Khawzawl YMA hruaitute hnen aṭanga thu dawn danin, Lalhmingsangi hi April 5-ah thiin, a pasal chuan inâwk hlum niin a sawi a; a thih hma hian an inhau thâwm hriat a nih avang leh, a thih danah inâwk hlum a ang lo deuha an hriat avangin, a chhungte chuan thuneitute hnenah a ruang endik an dil leh a ni.

A ruang hi nimin zing khan magistrate enpuina hnuaiah police leh Khawzawl Vengthar YMA-te'n an phawrh a, doctor-te'n an endik hnuah phûm leh nghal a ni.