Natna khirhkhan inhrilhhriatna hun hmang

Non Communicable Disease Cell hnuaia National Programme for Prevention and Control of Cancer, Diabetes, Cardiovascular Diseases and Stroke (NPCDCS) leh National Programme for Prevention and Control of Deafness (NPPCD) ṭangkawp chuan, nimin khan Khatla East Presbyterian kohhran hall-ah Awarness Campaign cum NCD Screening Clinic an buatsaih.

Awareness campaign NPPCD state consultant Dr. Lalthanmawii Khalthang-in kaihruaiin, Dr. Martin Chawngsailova'n cancer, zunthlum, BP sang, lung natna leh stroke lo pung chho zelah engtin nge kan inven ang tih te, enge an nih tihte leh engtianga a venna kawnga hmalak tur nge tihte a sawi.

Inkhawma tarlan danin, tun hnai kum nga chhungin Mizoramah cancer vei mi 5888 awmin, mipa 3229 leh hmeichhia 2659 an ni. Cancer avang hian mi 3137 in nunna an chan a, an zinga 1847 chu mipa niin, 1290 chu hmeichhia an ni. Mizoramah hian kumtin cancer vei 1330 zel kum tin hmu chhuak anga chhut a ni.

Awarness campaign zawh hian NCD clinic buatsaih a ni a, mi 270 vel in entirin, kohhran hmalaknain a thlawna damdawi sem a ni.