Pa ei vangin VL Hriata thi ve leh

Mamit Bazar Venga Saikhuma te mikhual, April 4, 2016 tlaia papàr nia hriat eitute zinga mi, Vanlalhriata (20), Tuikual South, Aizawl chu hun eng emaw chen enkawl a nih hnuah April 16 zing khawvar hma, dar 3 vel khan Aizawl Civil Hospital ICU-ah a thi.

Pâ ei vang hian Saikhuma (35) bakah a nupui Ramdinmawii (34) leh an fate - Saihmingthanga (12), Biakrinawma (10) leh Malsawm-tluanga (8)-te chu an lo thi tawh a; an mikhual Vanlalhriata pawh a natna tuar zo loin a thi ve leh ta a ni.

Saikhuma te chhungkuaa la dam chhun, an fa tlum ber Miriam Lalremruati (3) erawh chu a dam tawh avangin damdawi-in aṭangin chhuahtir a ni tawh.