In sak ṭanpuina dawngte dinhmun enfiah

Ministry of Housing and Urban Poverty Allevation director Brij Mohan chuan, April 15, 2016 khan Serchhip a tlawh a, 'Housing for All Mission' hnuaia in sak
ṭanpuina dawngtute dinhmun a enfiah.

Brij Mohan Agrawal hi Serchhip additional DC ST Lalhmingmawia hoin official-te'n an lo dawngsawng a, 'Housing For All by 2022' scheme tihhlawh-tlinna tura hmabak leh chona awmte an sawiho. Agrawal chuan, sokar laipuiah bawhzui ngai leh en zui ngaite a buaipui chhunzawm nghal tur thu a sawi.

Brij Mohan Agrawal chuan bank hotute pawh kâwmin, Credited Linked Subsidy Scheme chungchang a sawipui a; sorkar laipui flagship programme pawimawh tak a nih avangin scheme chu ngai pawimawh a, theihtawp chhuah turin a chah.

Housing For all Scheme hi kum 2022 hmaa India ram chhunga khawpui (urban area) hrang hranga chenna in nei lo zawng zawngte'n chenna in an neih vek theihna tur atana ruahmanna thar a ni a, June 25, 2015-a hman ṭan a ni.