Saihaa bâwm dawhah Rs. 40,500 hmuh a ni

Mara Youth Association (MYA), New Saiha chuan Mamit-a pa ei vanga Saikhuma te chhungkuaa mi paruk zinga dam chhuak awmchhun, Miriam Lalremruati (3) ṭanpui nan Inrinni zing khan New Saiha-a bazar shed-ah báwm an dawh a, Rs. 40,500 an hmu.

MYA-in báwm an dawhah hian mi eng emaw zatin pawisa an thawh a, sum thawh tlingkhawm Rs. 40,500 chu remchang hmasa berah hlan an tum. MYA chuan phal taka thilpek petute zawng zawng hnenah lawmthu an sawi.

MYA hian nikuma Niawhtlang khuaa pâ ṭha lo ei vanga thi Zohmangaiha te nupain an thihsan an fate pualin báwm an lo dawhsak tawh a, Rs. 30,000 chuang an hmuh chu Mizoram Rural Bank, Saiha-ah account hawnsakin an dahṭhatsak a ni.