Sports Secretary-in Kawnpui a tlawh

Sports & Youth Services secretary HL Rochungnunga chuan April 15, 2016 khan Kawnpuia Boys Hockey Academy a tlawh a, an hmunhmáte a enfiah bakah, thawktute a kâwm.

HL Rochungnunga chuan, infiamnaah tum bik neih a ngai tih sawiin, "Sorkar laipuiin sport lama ṭhalaite hmasawnna turin National Programme for Development of Sports a kalpui ṭan dawn. He miah hian sports discipline hrang hrang 21 rawn thlangin, chumi aṭang chuan State Level Executive Committee-in a duh zawng a thlang chhuak leh dawn a ni," a ti.

SYS Secretary chuan, National Prog-ramme for Development of Sports hnuaiah hian Mizoramin hming a chher theihna atan tum bik neih a ṭul tur thu a sawi.