ATC-in Valedictory Service an hmang

Aizawl Theological College (ATC) chuan nimin khan an hmunah Valedictory Service 2024 an hmang a, zirlai chhuak tur mi 65 an thlah.

ATC Valedictory Service hi principal Rev. Dr Tlanghmingthanga'n a kaihruai a, Synod moderator Rev. R Vanlalnghaka'n hmanpuiin thuchah a sawi. ATC aṭanga Pathian thu zir chhuak - Bachelor of Divinity (BD)-ah mi 28, Master of Theology (M.Th.)-ah mi 32 leh Doctor of Theology (D.Th.)-ah mi panga, an vaiin mi 65 thlah an ni.

ATC hi kum 1907-ah Rev. DE Jones (Zosaphluia) hoa din a ni a, tunah hian Pathian thu zirna regular course pathum - B.D., M.Th. leh D.Th. awmin, zirlai 204 an awm mek a; Senate of Serampore College hnuaiah páwn lam aṭanga zir theih (lay theological degree) pathum - BCS, DCS leh DCPC-te a awm bawk.