Poshan Pakhwada khâr a ni
Women & Child Development, Social Welfare, Tribal Affairs & Women & Child Develop-ment department chuan nimin khan Poshan Pakhwada (Nutrition Fornight) khârna hun an buatsaih a, Poshan Pakh-wada chhunga hma la ṭha berah Siaha district thlangin, lawmman an hlan.
Poshan Pakhwada khârna inkawm hi Women & Child Development joint director Zonunpari Sailo-in a kaihruai a; deputy director Sailopari'n kumin 2024-a state, district leh ICDS Proect hrang hranga Poshan Pakhwada hmanna dan thlir lêtna hun a hmang. Social Welfare, Tribal Affairs & Women & Child Development joint secretary Zonunthari'n thu a sawi bawk.
Inkhawmah hian Poshan Pakhwada hman chhunga hma la ṭha berte hnenah Best Activity Award hlan a ni a; best district chu Siaha district niin, best ICDS project chu Zawlnuam ICDS Project a ni.
Early Childhood Care and Education (ECCE) thupui hmanga thlalaka intihsiaknaah pakhatna Zawlnuam ICDS Project, pahnihna Thingsulthliah ICDS Project leh pathumna Sangau ICDS Project thlan an ni bawk.