ZPM Ṭhalai president thar Jeje-a'n mawhphurhna a la

ZPM Ṭhalai president thar Jeje Lalpekhlua, MLA chuan March 21, Ningani khan president kal chhuak Dr C Lalram-

mawia hnen aṭangin president mawh-phurhna a la. ZPM Ṭhalai vice president pahnih leh treasurer tharte pawhin hruaitu hluite aṭangin mawhphurhna an la bawk.

Jeje Lalpekhlua chuan, an kal zelna turah theihtawp chhuah a, taimakna leh thawhrimna nen Pathian ráwn chung zela kal a pawimawh thu a sawi a, "Pathian ráwn chungin, dikna leh thawhhona ṭha nena kan ṭan rual tlat chuan kalphung thar dik a thleng zel dawn. Chapona tel loin, thawhhona ṭha thlentu ni thei turin Pathian i dah pawimawh hmasa ber ṭhin ang u," a ti.