Pasal vit hlumtua puh Mary Zothansangi jail-ah dah a ni

Dr Lalṭanpuia (43) s/o John Lianzauva (L) & Rozamliani, Kulikawn chu December 9, Nilaini zan dar 7 rîk hma deuh khan a áwmah vih a ni a; damdawi-inah hruai ni mah se, a hliam tuar loin zan dar 10:05-ah a thi. A vittua puh, a nupui Mary Zothansangi chu police-in an man nghal.

Nimina vuinaa chanchin an tarlan danin, Dr Lalṭanpuia hi Aizawl Hospital & Research Centre-ah medical superin­tendent a ni a, Nilaini tlaia damdawi-ina a duty zo chu tlai dar 5:30 velah a haw a ni. Zan dar 7 rik hma deuhah vanduaina a tâwk a, Aizawl Hospital panpui nghal niin, zai nghal ni mah se, a hliam tuar loin zan dar 10:05-ah a thi ta a ni.

Thu dawn danin, Dr Lalṭanpuia hi a áwmah a nupui Mary Zothansangi'n chemtein a vit a, a vit lai chu an fate pawhin an hmua sawi a ni a; hei vang hian Mary Zothansangi chu police-in an man nghal.

Nimin khan Mary Zothansangi chu Court-ah hruai a ni a, Court thu angin jail-ah dah nghal a nih thu, Aizawl SP chuan Vanglaini palai a hrilh.