Vote tlâk ṭhat dan tur sawiho

Aizawl district-a Systematic Voter's Edu­ca­tion and Electiral Parti­cipation (SVEEP) Core Committee chu March 22 khan nodal officer C Laltleipuii hoin Aizawl DC conference hall-ah an ṭhukhawm a, Lok Sabha inthlanah vote tla zat (vote percentage) tihpun a, vote thlak chung­changa inzirtirna kalpui dan tur an sawiho.

Ṭhutkhawmah hian nikuma Assembly inthlan­­­puia SVEEP hnuaia hma­laknate thlir let a nih bakah, Lok Sabha inthlanpui atana hma­lak dan turte sawiho a ni a; ṭhalai zinga vote thlak pawimawhna zirtir te, inthlan kalphung leh dan leh hrai inzirtir chung­­chang te, Election Commi­ssion of India-in inthlanna huapzo leh awl­samna a awm theihna tura ruahmanna a siamte zau zawka puanzar a pawi­mawhna leh bawhzui dan turte sawiho a ni bawk.