Excise-in heroin leh meth an man

Excise & Narcotics department (END) chuan March 22-23, 2024 chhung khan Mizoramah heroin leh methamphetamine eng emaw zat an man a; ruihhlo kawltu an man mi palite lakah Narcotic Drugs & Psychotropic Substances Act, 1985 tlawhchhanin thubuai an ziak lut.

END mite chuan March 22, 2024 tlai dar 3:35 khan Lunglei Rahsi Veng bulah heroin gram 252.650 (hawng 24) leh a neitua puh Jiyarul Hoque (26) s/o Noor Hussain, Tarapur, Karimganj district, Assam, tuna Rahsi venga khawsa mek nia inchhál an man. Heroin hi Myanmar aṭanga lak, Lunglei leh a chhehvela hralh tum a ni.

March 23, Inrinni zing dar 3:50 khan Bulfekzawl leh Sesih khaw inkarah methamphetamine kg. 10.100 (mûm 1,01,000) leh a neitua puh mi pahnih - K Lala (44) s/o Vanlalrawna leh Roluahpuia (32) s/o Lalenga, Bairabi, Kolasib district ve ve nia inchhálte chu an man bawk a; ruihhlo phurhna lirthei Mahindra XUV500 MZ-01 Z-4299 an hrêng bawk.