Eptute'n loneitute an fuihpawrh - Mizoram BJP

BJP, Mizoram Pradesh hruai-tute chuan, Farm Law vanga India rama Bharat Bandh huai­hawt a nih chhan chu opposition party-te'n loneitute thu dik tâwk lo hmanga an fuihpawrh vang niin an sawi.

Mizoram BJP hruaitute chuan nimin khan Aizawl Press Club-ah thuthar thehdarhtute an kâwm a; an vice president LR Colney chuan, Farm Law chu khuahkhirhna awm loa loneitute'n an thil siam leh thar chhuahte an hralhna tur dan a nih thu sawiin, "Eptute'n an dodal hi mak kan ti. Congress pawhin Lok Sabha MP inthlan dawna farmer-te tan restriction awm lo turin manifesto an nei a, NCP hotupa Sharad Pawar pawhin a tirah ṭha a ti a ni," a ti.

LR Colney chuan, eptu party-te'n loneitute thu dik tawk loin an fuihpawrh nia sawiin, "Loneitute'n an thar chhuah to zawk pawha duh duha an hralh theihna tur a ni zawk a, Mizoram tan pawh a ṭha a ni," a ti a; Mizoramah pawh Farmer Law chu thlâwp chiah an ngaih thu a sawi.