Faina lama hmalakna endik

Urban Development & Poverty Alleviation (UDPA) department kaltlanga buatsaih Mizoram Khawpui Fai Inelna 2020-a endiktute chuan nimin khan  Aizawl Municipal Corporation (AMC) chhunga veng hrang hrang an endik.

Veng hrang hrang endik hnuah AMC conference hall-ah AMC chhunga faina kawnga hmalaknate inhrilhfiahna hun buatsaih a ni a; endiktute chu AMC commissioner K Laldingliana'n dawngsawngin, AMC chhunga faina kawnga AMC hnathawh leh hmalakna hrang hrangte a hrilhfiah.

Mizorama khawpui fai inelnaah hian November 23 khan endikna ṭan niin, Lengpui leh Sairangahte bul ṭan a ni a, nimin khan zawh a ni. Inelna hi hlâwm (category) pathumah kalpui a ni a; category I-ah district khawpui (headquarters) 11, category II-ah khawpui (town) dang 12 leh, category III-ah Mizorama khawpui zawng zawng (census town 23) an awm a ni.