GST meeting-ah Taxation Minister

Nimin khan Union Finance minister Nirmala Sitharaman hoin video conferencing hmangin Goods & Service Tax (GST) Council Meeting neih a ni a, Mizoram Taxation minister Lalchamliana pawh a tel.

Meeting-ah hian GST Act leh Rules tihdanglam ngai te, National Anti Profiteering chungchang leh Unified Payment Interface (UPI) hmanga GST pek dan tur te, Covid-19 vanga ram pumpui economic dinhmun tlahniamin tax revenue a nghawng dante leh GST hman vanga transitional period chhunga state tam tak tax revenue tlachhe tur veng tura compensation cess chungchangte sawiho a ni.

State tam tak compensate ngai an awm avangin meeting chhungin hun tam zawk chu hemi chungchang sawiho nan hman a ni. Mizoram erawh chu GST hman avangin tax revenue a ṭhat phah zawk avangin compensate ngai ve lo state zingah a tel.

Taxation Minister hi secretary Van­lal­chhuanga, joint commissioner HK Lal­hawng­liana leh assistant commissioner Hrangthanmawia ten an ṭawiawm a ni.