Seed Village Programme thlirho

Agriculture minister C Lalrinsanga hoin nimin khan video conferencing kaltlangin district pariata Agriculture Technology Management Agency (ATMA) hotute nen Seed Village Programme kalpui dan an thlirho.

Agriculture Minister chuan, hripui léng avangin eibàra intodelh a ṭul leh tih sawiin, "Mizo mipuite'n lo leh huan neih lamah rilru pe thar a, intodelh kawng zawh tak tak tura rilru sên thar a ṭul. Kan thlai chi mamawhte state dang aṭanga lâk reng ngai tawh lo tura mahnia intodelh kan tum tawh tur a ni," a ti.

Kumin chhungin Seed Village Prog-ramme hnuaiah buh chi quintal 700, bekang chi ṭha qtl. 50, vaimim chi qtl. 300, bean chi qtl. 50, rajma qtl. 200 leh thlai dang chi eng emaw zat thar beisei a nih thu Minister chuan a sawi.

Agriculture Minister ho hian Seed Village Programme hnuaia ATMA hmanga Agriculture department-in thlai chi siam leh tihpunna kawnga hma an lak dan thlirho a ni. Buh (RMC10713), vaimim, behliang, bekang leh thlai dang eng emaw zat chu ATMA kaltanga siam chhuah leh tihpun a ni a, kum 2019-20 chhungin cheng nuai 27.75 sênga hmalak a ni.

Seed Village Programme hi sorkar laipui scheme a ni a, kum thar lamah sorkar programme pawimawh tak tak leh SEDP hnuaia thlai chi mamawh eng emaw zat phuhrûk theih beisei a nih thu, sorkar thuchhuahin a tarlang.