Kum 6 chhungin Lunglei dist-ah HIV vei mi 1,151 hmu chhuak

Lunglei District Health Committee chu an chairman Ramdinliani, bawrhsap hoin March 28, Ningani khan DC conference hall-ah an ṭhukhawm a; kum 2018-2023 chhunga Lunglei district-a mi 37,716-te thisen endik aṭangin HIV vei mi 1,151 (3.05%) hmuh chhuah an ni tih tarlan a ni.

Ṭhutkhawmah hian Adolescence Education Programme (AEP) training kalpui mek leh kalpui zel dan tur te, ṭangkai leh phuisui zawka Mobile Integrated Counseling and Test Centre (MICTC) hman dan tur te, Lunglei khawpuia hmeichhe inzuar an awm chuan zawn chhuah a, HIV/AIDS laka an him theih nana hmalak dan tur (targeted interventions on female sex worker)-te sawiho a ni.

Meeting-a tarlan danin, DISHA Lunglei cluster hnuaiah Lunglei, Serchhip leh Hnahthial district-te a awm a; kum 2018-2023 chhungin Lunglei district-ah mi 37,716-te thisen endik a ni a, chu'ng zinga mi 1,151 (3.05%) chu HIV vei an ni tih hmuh chhuah a ni.