Lok Sabha inthlan laia kawngpui ṭha awm theih dan tur sawiho

Saitual district election officer Dr Lalngura Tlau, bawrhsap hoin March 28, Ningani khan sector magistrate te, PWD leh NHIDCL aiawhte'n Lok Sabha inthlanpui awm turah inkalpawhna kawng ṭha a awm theih dan tur an sawiho.

Dr Lalngura Tlau chuan, sector magistrate-te chu an hna chanpual ṭheuhte uluk taka vawng turin a chah a, an bial chan ṭheuh pawh inthlan hmaa vawi khat tal tlawh chhuak leh turin a ngen. Kawng chungchangah, an bial ṭheuh inkalpawhnate a ṭha tâwk em tih hre chiang tur leh tuiah rokhawlhna a awm loh nan tui dinhmun ngaihven turin a hrilh bawk.

Ṭhutkhawmah hian vote thlak hun leh vote thlak hmaa polling party-te lirthei veivâkte'n harsatna an tawh loh nan inkalpawhna kawngte uluk taka vil an rél a; NHIDCL aiawhte chu an contractor-te nen inthlan chhunga thu inhriat pawh zung zung theihna tur whatsapp group siam tura chah an ni.

NHIDCL leh PWD aiawhte chu inthlan ní-ah inkalpawhnaah harsatna a awm theih avangin inpuahchak lâwk tur leh inbiakpawhna ṭha nei tura hriattir an ni bawk.