Mimal sikula thawk zirtirtute tan naupang enkawl dan zirna buatsaih

SCERT Auditorium-ah Aizawl district tan ni thum awh, 'Training of Teachers on School Health Programme for Implementation of Adolescents Education Programme at Private School in Mizoram' tih buatsaih a ni a, Aizawl district-a private school 25 aṭangin ziritrtu pahnih ṭheuh an tel a, March 28, Ningani khan khâr a ni.

Training hi zirlaite'n nun dan ṭha leh hrisel an neih theihna tura zirtirtuin a puih theih nan leh kawng dik a kawhhmuh theihna tura zirtirtute buatsaih chungchang te, naupangin an kum mila an mamawh taksa leh rilru hrisel an neih theihna atana zirtirna ṭha leh him an dawn theih nana zirtirtute tuai hriamna tur te, zirlaite ṭhan chhohnaa harsatna awm theite hmachhawn tura nun dan thiamna naupangin an neih theihna tura zirtirtute thiamna tihpunna chungchangte inzirtir a ni.

Khawtlang hmasawnna atana thawk chhuak tura naupang chawk phûr tura zirtirtute buatsaih chungchang te, ruihhlo hmansual leh mipat hmeichiatna hmansual laka naupang an him theih dan tur te, HIV/AIDS leh natna hlauhawm dangte laka naupang an him theihna tura zirtirtuin zirtirna ṭha a pek dan turte inzirtir a ni bawk.