Chief Minister-in Aizawla Treasury pahnih a tlawh

Chief minister Lalduhoma chuan nimin chhun khan Aizawl South Treasury leh Aizawl North Treasury a tlawh a; harsatna awm loa ṭha taka sorkar kum 2023-24 khàr a ni chu lawmawm a tih thu a sawi.

CM Lalduhoma hi Treasury-a thawktute'n an lo dawngsawng a, Treasury hnathawh dante a enfiah. Harsatna leh buaina awm loa financial year 2023-24 ṭha taka an khar thei chu lawmawm a tih thu sawiin, "Kan sum neih ang angte renchem tak chung leh daihzâi taka kan hman a ngai a ni," a ti a; Treasury-a thawkte thawhrimna fakawm a tih thu a sawi.

Chief Minister hi adviser to CM (Finance) TBC Lalvenchhunga, Finance secretary Vanlalchhuanga leh hotu dangte'n an ṭawiawm a ni.