Mizorama tawlh luh tur heroin man

March 29, 2024 zan dar 10 khan Rihkhawdar, Myanmar-ah Mizorama tawlh luh tur heroin hawng 228 man a nih thu Hualngoram People Organisation (HPO) chuan an tarlang.

HPO tarlan danin, heroin man tâk neitute chu Zungṭiali (51) d/o U Phun Phai, Sekan leh Lalrami (44) d/o Chawn Tin Zam, Sekan, tuna Rihkawdara cheng mek nia insawite an ni a; heroin chu international market-ah Rs 82,00,000 hû a ni.

Hualngoram sipaiin an chhui zuina aṭangin a kaihhawihah driver Agape Thang (36) s/o Thawng Hlei Kulh,

Tahan aṭanga motor-a phurtu leh damdawi zuara supply ṭhintu Ngun Khual (31) s/o Than Ṭi leh Lalsailo (25) s/o San Dum, Sekan khua ve ve, tuna Rihkhawdara chêng mek nia inchhalte an man bawk.

HPO chuan, "Kan Zo fate tan dorál lian ber ruihhlo tawlhtute hi Hualngoram Judiciary Board-in an chungthu a rêl ang," an ti a; Hual-ngoram chhungah mipui sorkarna kalpui mek a ni tih sawiin, dan zawm tur leh ruihhlo donaah thuneitute ṭanpui turin mipui an chah a ni.