Siaha DEO-in polling station enfiah

Siaha district election officer VL Hruaizela Khiangte, district bawrhsap chuan March 30, Inrinni khan Noaotlah, Lobo leh Chhaolo khuaa polling station-te a enfiah a; Lok Sabha inthlanpuiah vote tla a ṭhat theih nan theihtawp chhuah turin booth level officer (BLO) leh village council member-te a chah.

Siaha Bawrhsap chuan, member of district council (MDC) inthlanah vote tla a ṭha ṭhin tih sawiin, "MLA-ah tlemin a chhe leh deuh a, MP inthlanah vote tla a hniam fál hle ṭhin a, theihtawp chhuah a ṭul. MLA leh MP inthlanah Election Commission of India phût chin kan pha lo hle ṭhin a, kumin inthlanpuiah chuan mipui tam zawkin vote an thlak theih nan hmalak mek zel a ni," a ti.

Siaha DC hian BLO leh VC member-te chu theihtawp chhuahpui turin a sáwm a; vote thlak ni hma ngeia vantlang aurinna kaltlangin vote thlak ngei tura mipui ngenna puangzar turin a chah.

Siaha SP KL Vulmawia pawhin inthlanna felfai leh thianghlim tak awm turin Police department-te'n dan leh thupek an kengkawh mek tih a sawi.