Excise leh JAC-in heroin an man

Excise & Narcotics department, Mamit leh Mamit Venghlun JAC ṭangkawp chuan March 30, Inrinni tlai khan heroin hawng hnih an man.

Mamit aṭanga thu dawn danin, Excise leh JAC hian ruihhlo do beihpui an thlak a, North Sabual pengah Lalthianghlima (32), Mamit High School Veng leh Lalriatpuia (31), Mamit Lungsir Veng nia inchhalte hnen aṭangin heroin hawng hnih an man.

Heroin hi tualchhunga hralhna ang chuan Rs 4,00,000 hu vela chhût a ni a, a neitua puhte hi thubuai siamsak an ni.

Mamit Venghlun JAC-te chuan Mamitah ruihhlo a hluar thar hle nia sawiin, "A ti ṭhinte pawhin ualau takin an ti ta fo," an ti.