PC-in hamrîk an duh, electric bulb duh lo

PC party chuan, Lok Sabha inthlan turah an party chu election symbol atan Election Commission of India (ECI)-in electric bumb hmang turin ti mah se, hamrîk (whistle) hman an duh thu ECI-ah an thlen.

PC party-in press release an siama an tarlan danin, MP election symbol atan electric bulb hman dilna March 5, 2024 khan ECI-ah an thawn a; mahse, chhanna an hmuh mai loh avang leh phalsak an nih dawn leh dawn loh a chian si loh avangin symbom atan free symbol zinga mi hamrîk an thlang. Symbol atan hamrîk an hman dawn thu chu March 18-a Kolasib-a an candidate tur an puannaah pawh an puang tel ve nghal.

PC party chu MP election symbol atan hamrîk an hmang dawn th an campaign-naah an sawi ṭhin a, March 26-ah an candidate-in nomination a thehluhah a symbol tur chu hamrîk a ni tih a tarlang. March 28-a nomination endiknaah pawh PC candidate symbol atan hamrîk chu tihngheh a ni bawk.

March 28, 2024-ah vêk ECI-in PC party chu election symbol atan electric bulb hman a phalsakna lehkha joint chief electoral officer James Lalnunmawia hnen aṭangin an dawng leh si tih sawiin PC party chuan, "March 30, Inrinniah Plan of Printing of Postal Ballot tura party candidate-te koh an ni a... Hemi ni hian returning officer Pi Nazuk Kumar chuan Form 7A [See Rule 10(1)] angin ECI lehkha avang chuan March 30-ah hamrik chu electric bulb-in a thlak leh ta a ni," an ti.

PC party chuan, "Campaign kan neih vek tawh hnuah ECI-in electric bulb hmang ngei rawh se tia thuchhuah a awm lo chungin ECI lehkha anga kalpui tlang a ni hi kan pawm thei lo," an ti a; an election symbol tur chu hamrik (whistle)-ah titlang tura ngenna nimin khan ECI-ah an thawn a ni.