Kangmei ven kawnga hmalakna thlirlet

Aizawl District Level Committee on Fire Prevention chu nimin khan an chairman Nazuk Kumar, Aizawl DC hoin DC conference hall-ah an ṭhukhawm a, kangmei chhuak thei ven kawnga hmalaknate an thlirlet.

Aizawl DC chuan kangmei chhuak tur ven kawnga mipui zirtirna kalpui chu a ṭha thawkhatah a ngaih thu sawiin, "Ṭan lak chhunzawm a ngai. He hmalakna pawimawh takah hian Line department-te pawh thawhhona ṭha an neih chhunzawm a pawimawh. Thingtlanga ram kang venhim kawngah hmalakna kalpui ang thoin AMC huam chhungah pawh he hmalakna pawimawh tak hi chak zawka kalpui a ngai," a ti.

Report-a tarlan a nih dan chuan kum 2024 lumtir leh tun inkarah kangmei chhuak vawi 308 chhinchhiah niin, kangmei chhuak hian ram hectare 498. 61 a tuam. Lo hal hun tur ruatah thingtlang khuaten lo an hal deuh vek a, Khawpuar chiahin lo hal hun bituk pelhah lo an hal. He dan bawhchhiatna chungchangah hmalak dan tur pawh rel ho nghal a ni.