Pathianni zah lo CM kan nei - MNF

MNF chuan thuchhuah siamin March 31, 2023 (Easter Sunday) khan chief minister Lalduhoma'n Aizawl North leh South Treasury tlawhin an hnathawhte a enfiah nia tarlangin, Pathianni zah loah an puh.

MNF chuan CM hi adviser to CM (Finance) TBC Lalvenchhunga leh official ṭhahnem takin an ṭawiawm tih tarlangin, "Chief Minister, kohhran upa lehnghalin Pathianni, Pathianniah pawh Kristiante ni pawimawh bik Easter Sunday bawhchhia a, sorkar office tlawha an hnathawh a enfiah hi Mizorama thil la thleng ngai lo a ni," a ti.

Pathianni ni lo, pisa enfiah leh tlawh hun tur a tam tih tarlangin MNF chuan, "Pathianni kher pisa tlawh nana Mizo CM-in a hmang duh hi MNF chuan mak kan ti a, Mizoram CM-in kristianna a lak thutak loh zia leh a lak lap zia a lang chiang hle a ni," a ti a, Pathianni zah loh CM neih pawi a tih thu an tarlang.

MNF chuan inthlanpui leh thil pawimawh dang Pathiannia ruat a nih ṭhin dodala Mizo Kristiante kan lo ṭanrual tawh ṭhin laia, kan CM berin Pathianni zah lo takin a che tih tarlangin, "MNF chuan pawi kan ti hle. Hun kal zel turah Pathianniah thil pawimawh India sorkarin Pathiannia a rawn ruat leh a nih chuan kan CM hian mawh thuk takin a phur dawn," a ti a, Lalduhoma chu Kristian CM a ni tih inhre reng turin an chah.