Thli leh ruah avangin chhiatna a thleng

March 31, Pathianni zing dar 9 vela ruahsur leh thli tleh avangin Mizoram hmun hrang hrangah chhiatna a thleng a, mihring nunna chan phah an awm loa hriat a ni.

He thu buatsaih lai thleng hian Disaster Management & Rehabilitation (DMR) department chuan district hrang hrang aṭangin report an la dawng kim lo. DC-te kaltlangin a theih ang angin chhawmdawl hna thawh niin, bialtu MLA-te pawhin theihtawp chhuahin hma an la.

Hriat theih chinah thli leh ruah avang hian Mizoram hmun hrang hrangah chenna in, sikul leh biak-in 100 chuang a chhia, khawtlang mipuiin theihtawp chhuahin harsatna tawkte ṭanpui hna an thawk.

In ṭhenkhat chu thawmṭhata luahzui leh nghal mai theih a nih laiin, in eng emaw zat chu a tlusawp thung.

Thli leh ruah hian electric current line hmun eng emaw zatah a tichhia a, hmun tam takah harsatna an tawh phah.