Exit/opinion poll tihchhuah khap

Election Commission of India chuan, Representation of People Act (RP Act), 1951 Section 126A(1) tlawhchhanin April 19, 2024 zing dar 7 aṭanga June 1, 2024 tlai dar 6:30 inkarah exit poll result tihchhuah a khap.

Exit poll result tihchhuah khapna hian print media leh electronic media zawng zawng, social media leh chanchin thehdarhna hmanrua zawng zawng a huam a; dan bawhchhiate chu pawisa chawitir emaw, kum hnih thleng tàntir emaw, a pahnih emaw hrem theih an ni.

ECI chuan RP Act, 1951 Section 126(1)(b) tlawhchhanin inthlan zawh hun (darkar tàwp ber) a ruat aṭanga chhiar lêta darkar 48 chhung chu electronic media kaltlanga inthlan kaihhnawih mipui ngaihdan lâkna (opinion poll, etc) tihchhuah a khap bawk.