Kristian nuai chimih duhtute leh sakhaw tih bik nei lote inbeihna a ni - Lal Thanzara

Congress party MP candidate Lalbiakzama pawhin thu sawiin, BJP sorkar chu a vawk lal lên tawh niin a sawi a, "Prime minister Modi chuan chanchinbumite pawh hmachhawn duh loin, party dang hruaitute thubuai siamsak dan ringawt an buaipui. BJP hian India ramah ro an rêl leh a nih chuan inthlanpui lo awm leh hunah dan hnuaiah mumal takin kan inthlang thei tawh lo ang," a ti.

Lalbiakzama chuan, "BJP sorkarin Kristiante mai ni lo, keini Mizo mipui leh kan tlang mi-puite min hmusit em em," a ti a; BJP sorkar paihthla turin Mizoramah pawh Congress thlan tlin a ngaih thu a sawi.

Zawhna chhangin Lalbiakzama chuan, Mizoram leh Assam ramri chungchang chu politics-a hmingṭhat lak tum tâwk leka hmalak chi a ni lo tih a sawi a, "Kan insiam rem thuai loh chuan Mizoram zawk hian kan la tuar ngei ang," a ti.