Sahuana savawm chhuak zawng mek

April 1, Thawhṭanni zing khan Aizawl Zoological Park-a savawm chu a báwm aṭangin a chhuak a, nizan thleng khan hmuh a la ni lo a, zawn mek zel a ni.

Environment, Forest & Climate Change (EFCC) department hotute hnen aṭanga thu dawn danin, tun hnaia ruahsur leh thli tleh avangin savawm dahna bula thingkung pakhat chu a tlu a, thing tlu zár ṭhenkhat chu savawm dahna báwmah a lut a, chuvang chuan savawm chu a chhuak thei a ni.

Savawm chhuah hun tak hriat ni lo mah se, thing chu April 1 zing dar 2 vela tlu a nih avangin April 1, Thawhṭanni zinga chhuak a nih rin a ni. Savawm a awm lo tih zing dar 6 velah hriat a ni a, bawm aṭanga a chhuah hnua an hmuh hnuhnun ber chu April 1 zan dar 10 vel niin, Aizawl Sahuan chhungah a la awm.

Savawm chhuak chu drone camera te, ramsa kah mutna (tranquilizer gun) leh thang hmangtein ngawrh taka zawn zui zel a ni a, nimin tlai dar 5 thleng kha chuan hmuh a la ni lo.