Khuarel chhiatna tuarte ṭanpui

Saitual district-a tun hnaia thlipui leh rialin a tihchhiat in leh lo leh bungrua neitu chungkaw eng emaw zat hnenah nimin khan State Disaster Response Fund (SDRF) aṭangin ṭanpuina pawisa pek a ni.

Sorkar thuchhuah tarlan danin, SDRF aṭanga ṭanpuina pawisa hi chhiatna tâwktute bank account-ah thun a ni a, bank account kimchang thehlut khuate hnenah pek hmasak niin, Saichal, Keifang, Ṭawizo, Buhbàn leh Lailak khuaa chhungkaw 43 an ni.

Kumin March 30 leh April 1-a Mizorama thlipui tleh leh rial tlain chenna in leh bungrua tam tak a tihchhiat zingah Saitual district-a mi eng emaw zat an tel a; Saitual district-a ṭanpuina la pek loh Tualbung khuaa chhungkaw 74-te bank account leh ṭul mdangte an rawn thawn veleh thun nghal tur a ni.