Revenue department-a office tinah complaint box dah turin hriattir

Land revenue & Settlement (LRS) department secretary Dr H Lalthlangliana chuan office memorandum chhuahin, LRS department-a District Settlement Officer-te chu anmahni dawrtute'n vuivaina an thehluhna tur báwm (complaint box) siam a, pisa tinah húng turin a hriattir.

Office memorandum-ah chuan, LRS department chu mipui nen hnai taka indâwr ṭhin an ni tih tarlan a ni a, "Secretariat leh Directorate bakah, district office hranga min dawrtute'n min duhkhawp lohna leh thawktute laka an lungawi lohna hriat tur a awm zauh zauh ṭhin a, a pawi hle. Min dawrtu mipuite'n tu'ma mitmei véng loa an lungawi lohna leh rawtna an thlen theih nan LRS Secretariat, Directorate leh district hrang hranga office-ahte April 5, 2024 ral hma ngeiin complaint box dah vek tur a ni," a ti.