Lungleiah home voting ṭan a ni

Election Commission of India (ECI) ruahman angin, Lok Sabha inthlanpui awm tura vote thlak tura polling station pan thei lo tur kum 85 leh a chung lamte leh vohbik (person with disability)-ten Lunglei district-ah nimin khan an inah vote an thlaktir ṭan a ni.

Kum 85 chung lam leh vohbikte tan hian in lama vote thlak dilna (home voting) March 25, 2024 thleng hawn a ni a, Lunglei district-ah mi 55-in an dil a, dilna lutte chu zir chian hnuah pawm vek a ni.

In lama vote thlak buaipui tur hian polling official pahnih, videographer leh police team pali din a ni a, team-te hian nimin aṭang khan vote an thlaktir ṭan. Nimin khan Zobawk, Rahsi Veng, Rualalung leh Buarpuiahte in lamah vote thlaktir a ni a; Lunglei district hi tun ṭum Lok Sabha inthlana home voting kalpui hmasa ber a ni.