NAAC-in Hrangbana College an endik

Govt. Hrangbana College chuan April 3 leh nimin khan India rama college leh university hrang hrangte en diktu National Assessment and Accreditation Council (NAAC) assessment an hmachhawn.

NAAC Peer Team hian April 3 khan nilengin college an endik a, tlai lamah he college-a lo zir tawh ṭhinte leh zirlai nu leh pate nena inkawmhona hun an hmang a, he college-a kal tawh Assem speaker Lalbiakzama, minister Dr Vanlalthlana, minister of state B Lalchhanzova, MLA Lt. Col. Lalhmingthanga leh Hrangbana College principal hmasa ber Dr Kenneth Chawngliana, State

Planning Board vice chairman-te'n an hmanpui.

Niminah Durtlang leh Muthia mipa leh hmeichhe hostel bakah college hmunhmate endik lehin tlai lama exit meeting an hmang.

Mizoram sorkar enkawl college zinga NAAC ‘A’ grade nei hmasa ber Hrangbana College-in NAAC assessment vawi li an hmachhawnna a ni tawh a, kum 2018 khan a vawi thumna hmachhawnin B++ grade pek an lo ni tawh.