General Observer-in Champhai a tlawh

Lok Sabha inthlanpui awm tura Election Commission of India (ECI)-in Mizoram tana general observer tura a ruat Dr Nipun Vinayak chuan nimin khan Champhai a tlawh a, official-te a kâwm.

General Observer chuan, Lok Sabha inthlanpui atana Champhai district inpuahchahna a ṭha a, thawhhona ṭha tak an nei chu fakawm a tih thu sawiin "Thlen chinah duh tâwk mai loa theihtawp chhuah chhunzawm zel a pawimawh a, thawhpuite nen lungrual taka thawh a ṭul," a ti a; inthlan boruak thlithlaia páwn lam dinhmunte pawh ngaihven ṭhin turin

a chah.

Champhai district election officer James Lalrinchhana pawhin thu sawiin, Champhai district chuan inthlanna muanawm leh felfai tak an neih ṭhin thu a sawi a, "Lok Sabha inthlan awm turah pawh inthlanna muanawm leh felfai tak kan neih leh ngei ka beisei," a ti.