Candidate-te sum hman dan endik

Nimin khan Aizawl DC conference hall-ah a ṭum khatna atan Lok Sabha inthlan awm tura MP candidate-te sum hman dan chu expenditure observer Arvind Sharma leh Anita Rinesh hoin enfiah a ni.

Expenditure observer-te chuan, expenditure agent-te chu rinawm leh fimkhur takin sum vawng tur leh accounting team-te nen inpawh taka thawkho turin an chah.

Enfiahnaah hian candidate-te'n an aiawha sum vawngtu an ruat expenditure agent-te chu sum hmanna register hrang hrang - day to day account, cash register, bank register leh bank statement leh voucher zawng zawng enfiah a ni.

Assistant expenditure observer leh accounting team-te'n an lo enfiahna atana candidate-te sum sen an lo chhinchhiahna shadow observation registers leh folder of evidence-te keng bawkin sum sen leh chhinchhiah dan enfiah a ni bawk.

Lok Sabha inthlanah hian Mizorama candidate-te chuan campaign-na atan cheng nuai 95 thleng an hmang thei a ni.