KHAWTHLIR

Johnson College NSS Unit chuan nimin khan an college-ah blood donation camp an huaihawt a, Aizawl Civil Hospital tan thisen unit 126 an pe a, a petute mipa 80 leh hmeichhia 46 an ni.

Mizoram Pollution Control Board (MPCB) hnuaia Mizoram ENVIS Hub leh Mizoram KVI Board-te chuan nimin khan Zemabawka Mizoram KVI Board Multi Disciplinary Training Centre (MDTC) conference hall-ah Green Skill Development Programme (GSDP) hnuaiah khuai Khâwi zirna (certificate course) an buatsaih ṭan. Training hi thla khat chuang awh tur a ni a, Mizoram PCCF Dr CH Muralidhar Rao, MPCB chairman ni bawkin a hawng a ni.

Kulikawn Branch YMA chuan an venga High School Leaving Certificate (HSLC) leh Higher Secondary School Lea­ving Certificate (HSSLC) exam turte hnenah a thlawnin tuition a pe. He hmalakna hi YMA kumpuan, 'Zirna uar kum' bawh zuina atana an tih a ni a, kumin February 10-15 chhungin HSLC leh HSSLC subject zawng ­zawngah a thlawnin tui­tion an pe dawn a ni.

Champhaia FCSCA department chuan Februa­ry 10, Thawhṭanni khan Champhai district-a retailer-te an ko khawm a, electronic point of sale (ePOS) khawl hman dan an zirtir. Retailer kal khawm mi 101-te chu ePOS kháwl leh digital weighing scale sem an ni. ePOS hi retailer-te'n buhfai an semna tur hmanraw thar a ni.