KHAWTHLIR

Book of the Year

Mizo Academy of Letters (MAL) chuan, kum 2015 chhunga Mizo iráwm chhuak lehkhabu ṭha ber, Book of the Year 2015 atan C Lalnunchanga lehkhabu ziah, 'Kawlkil piah lamtluang' tih an thlang. Book of the Year lawmman hi April 27-ah IPR Auditorium-ah an hlan dawn a ni.

Study centre

Women Study Centre chu Mizoram Universitry-ah April 1, 2016 aṭangin ṭan a ni. All Mizoram Women Federation (AMWF) chuan, kum 2009 aṭanga Panchayat Mahila Shakti
Abhiyan Core Committee-in an lo ngen tawh anga Women Study Centre tihhlawhtlin a ni ta chu lawmawm an tih thu an tarlang.

Mass squad drive

Lunglei District Anti-Tobacco Squad chu nimin khan an chairman DC Abhijit Vijat Chaudhari hoin a pisa-ah an ṭhukhawm a, Lunglei chhunga ‘Mass Anti-Tobacco Squad Drive’ neih an rawt. DC chuan anti-tobacco squad-te chu taima leh ngun lehzuala khaw- chhung vil turin a chah a, dan bawhchhiate chu hrem bakah vaihlo ṭhat lohna hrilhhriat a pawimawh thu a sawi.

DC-in enfiah

Champhai DC Vanlal-ngaih-saka chuan, April 16 khan New Champhai leh Zotlang inkara World Bank kawng siam mek chu khawtlang hruaitute nen an enfiah. Vanlal-ngaihsaka chuan leilet neitute tan buh chi dah hun a hnaih tawh avang-in tui kawng tibuai lo zawnga hna thawk turin thawktute a chah. Champhai to Zokhawthar World Bank Road siam mek hi Champhai khaw chhung lut loin Khankhawn aṭanga Zotlang tan tlang tura siam mek a ni.

SA Central North Division

Salvation Army Central North Division chuan Inrinni khan Chanmari corps-ah 3rd Council Meeting an nei a, kum 2016-17 chhunga Division budget atan Rs. 3,14,40,700 an pawm. Kum 2015-16 chhunga an budget Rs. 2,54,94,700 chu khûmin Rs. 3,15,78,994 an hmu a ni.