Rs. 16,21,483 man máu hralh

Environment & Forest department chhinchhiah danin, sorkar kum liam ta kum 2015-16 chhung khan state pawnah mau Rs. 16,21,483 man hralh chhuah a ni.

State Bamboo Mission hotute'n thuthar thehdarhtute an hrilh danin, kum 2010, November 10 aṭang khan mau mahal ṭhin chu tihtawp a ni a, hemi hnu atang hian Forest Reserve Area chhunga maute pawh hralh a ni tawh lo. Mimal enkawl huana maute chu a hralh chhuah kawngah Environment & Forest deptt.-in engmah a hriatpui lo a, mau an hralhna aṭang hian royalty pawh lak a ni lo a,mau pum khat zelah administrative charge Rs. 50 lak a ni.

Mizorama mau chu hlawk zawk leh awmze nei zawka hralhchhuah a nih theihna atan thla 3 vel kal ta atang khan Departmental Operation of Bamboo din a ni a, hei hi Kawrthah Division-ah en chhin phawt a ni dawn. Hemi hnuaiah hian DFO-ten mau an sat ang a, state ramri, Kanhmun leh Bungthuam velah mau hi a duh apiang lei theih tura zawrh chhuah a ni ang.

Mau hi metric tonne 1,000 chuang hralh theih beisei a ni a, mau hralhna aṭang hian cheng nuai 135 vel sorkarah chhun luh luh theih beisei a ni.