MNF leh Congress tel lohna sorkar siam turin sáwm

MPC party chuan thuchhuah siamin, kum 2018 inthlanah Congress leh MNF party telna ni lo sorkar siam turin mipuite an sáwm a, chumi tur chuan an inbuatsaih mek tih an tarlang.

MPC chuan, chief minister Lal Thanhawla'n Myanmar-a Zo hnahthlakte chu mahnia intohdelh, sorkara innghat ve lo an nih thu a sawi chu an chhang a, "Zoram páwna Zofate'n Pu Lal Thanhawla leh Pu Zoramthanga ang hmasawnna ngaihtuah miah lo leh inthlana tlin ringawt buaipui hruaitu an neih ve loh vangah kan ngai," an ti.

MPC chuan, Lal Thanhawla leh Zoramthanga te chu Zoram din-chhuahna tura MPC hmachhawpte hluihlawnah puhin, "Zoram mipui-te hmasawnna tur sorkar sumte a ni lo lamah hmang kâwi a, Zoram mipuite vehthlêm a, an vote hûia kum 30 chhung an kaihhruai vanga Mizorama Zofate sorkara innghat ta lutuk an ni tih hi kan ngaihdan a ni," an ti a; kum 2018 inthlanah chuan Congress ni lo, MNF ni lo sorkar thar siam turin Zoram mipui-te an sáwm a ni.