PTCM hruaitute'n Zoramthanga an kâwm

Paite Tribe Council, Manipur (PTCM) hruaitute chuan nimin zing khan MNF president leh chief minister hlui Zoramthanga chu a inah an hmu a; remna palai hna a thawh ṭhin avangin Paite thangchhuah puan an hlân.

MNF thuchhuah tarlan danin, PTCM hruai--tute hi an presi-dent L Pumlianpau hoin an kal a; L Pumlian-pau chuan, “Manipur sor-karin anti-tribal bill pathum a pass chung-chang--
ah Mani-pur leh India sor-karah nasa taka hma min lak-sak avang-in kan lawm a, sor-kar lai--
puiah min sawisak a. I hma-lakna avangin thlamuang takin kan cheng thei a ni," an ti.

MNF president Zoramthanga chuan, MNF-te'n Laldenga (L) hoa an hmalakna lian ber chu Zo hnahthlakte inpumkhatna leh rorelna pakhat hnuaia awm a ni tih a sawi a, "Zalenna kan sual lai khan Paite leh Zo hnahthlak hnam pêng dangte nen unau kan nihzia lantirin hmelma kan do rawn a, tihsualte pawh a awm ve ang. Tihsual kan neihte inngaidam tawn ang u," a ti.

Zoramthanga chuan, kum 1986-a remna thuthlung ziah dawnah Zo hnahthlakte rorelna pakhat hnuaia awmho an duh thu nasa takin prime minister Rajiv Gandhi hnenah an thlen tih a sawi a; mahse, India sorkar-in ‘Constitution Article 3-ah a chuan avangin comment theih an neih rih loh thu an sawi tlat niin a sawi.