2015-16 ah thisen unit 24,940 pek a ni Voluntary blood donation a tlahniam

Sorkar kum liam ta, April 2015 - March 2016 chhung khan Mizoram pumah thisen unit 24,940 pek a ni a, chung zinga unit 18,910 (75.82%) chu a thlawna pek bik nei loa pek (voluntary donation) a ni. Voluntary blood donation hian kum 2014-15 a pha lo a, voluntary donation hi kum hnih a tlakhniamna a ni.

Nimina MSACS conference hall-a Association for Voluntary Blood Donation (AVBD) meeting-a tarlan danin, kum 2015-16 chhunga Mizoram puma thisen pek unit 24,940 zinga unit 18,910 chu voluntary donation a nih laiin, pek bik neia pek leh rulhna (replacement) unit 6,030 (14.18%) a awm.

Sorkar kum kal ta chhung khan voluntary blood donation ṭum 384 awmin, camp aṭangin thisen unit 15,826 pek a ni a, donation camp ni loa pek chu unit 9,114 a ni. Mizorama blood bank 10 zinga donation camp nei tam ber Aizawl Civil Hospital-in camp ṭum 145 an nei a, a nei tlem ber Mamit District Hospital-in
ṭum 8 chiah an nei thung.

Kum 2015-16 chhunga voluntary donation sanna ber chu Kolasib District Hospital niin, 91.69% an tlin a, a hniamna Lunglei Civil Hospital-ah chuan 53.07% chiah a ni. Mizoram puma voluntary donation percentage 75.82% pha lo blood bank pathum - Lunglei Civil Hospital, Champhai District Hospital leh Lawngtlai District Hospital an awm.

Kum 2015-16 chhunga voluntary blood donation percentage 75.82% hian kum hmasa 2014-15 a mi 76.49% chu a pha lo a; kum 2014-15 hian kum 2013-14 chhunga voluntary donation percentage 93.13% chu a pha lo hle bawk.

Voluntary donation hi kum 2011-12 ah 91.08%, kum 2012-13 ah 94.07% a ni a; kum 2012-13 hnuah voluntary donation a tlahniam tial tial a ni.

Hetih lai hian, thisen pek zawng zawng zat erawh chu a tam tial tial a; kum 2015-16 chhunga pek zat unit 24,940 chu kum 2014-15 chhunga pek zat unit 23,093 aiin 1,847-in a tam. Kum 2013-14 chhunga pek zat chu unit 22,226 a ni.

Kum 2015-16 chhunga thisen pek

Blood Bank Pek zat Volun Replace Volun Donation

-tary -ment -tary % Camp

1. Aizawl Civil Hospital 13,077 10,005 3,072 76.71% 145

2. Synod Hospital 3,516 2,926 590 83.22% 73

3. Lunglei Civil Hospital 2,540 1,348 1,192 53.07% 37

4. Christian Hospital 1,439 1,259 180 87.49% 36

5. Champhai Hospital 1,144 748 396 65.38% 16

6. Kolasib Hospital 746 684 62 91.69% 18

7. Lawngtlai Hospital 472 351 121 74.36 13

8. Mamit Hospital 400 349 51 87.25% 8

9. Saiha Hospital 872 669 203 76.72% 22

10. Serchhip Hospital 734 571 163 77.79% 16

TOTAL 24,940 18,910 6,030 75.82% 382