Medical college din tura hmalakna fak

Congress ṭhalaite chuan thuchhuah siamin, State Referral Hospital-a medical college din tuma sorkar hmalakna chu chhuanawm an tih thu an tarlang.

MPYCC chuan, "Mizoram sorkarin Mizo mipuite mamawh hriaa Mizoram chhung ngeia medical college din tura chak taka hma a la hi chhuan-awm
kan ti a, hei hian nakin lawk--ah chuan Mizoram chhung-a damdawi-in hrang hranga thawktu indaih lohnate a la phu-hrûk ngei ang," an ti.

MNF sorkarin medical college din nachang an hriat loh laiin Congress sorkarin Mizoram Institute of Medical Education and Research (MIMER) din tuma chak taka hma a la chu lawmawm an tih thu sawiin, MPYCC chuan, "A changtu Health minister Lal Thanzara leh Health department thawkte, a bik takin Referral Hospital-a thawkte medical college tipuitling tura an inpekna leh thawhrimna fakawm kan ti," an ti a; an hmalaknate
tluang taka a puitlin ngei an beisei thu an sawi.

Congress ṭhalaite chuan MNF sorkar chu State Referral Hospital sawp chhiaah puhin, Congress sorkarin theihtawp chhuahin a chei ṭha leh niin an sawi a; tunah hian OPD-a department 13 lai dah a ni te, Medical Council of India endik ngam tura ruahmanna felfai tak an nei mekte chu lawmawm an tih thu te, Health Minister leh official thu leh hla a inhmu lo anga MNF-in an sawi lui chu pawi an tih thute an sawi bawk.