Kawng dunga hrui zamte chinfel tum

Aizawl khawpui chhung kawng dunga hrui chi hrang hrang inzam hnawk lutuk felfai zawka siam ṭhat tumna kal mekah, nimin khan Aizawl DC Kannan Gopinathan hoin hna thawh dan tur an sawiho.

Meeting chuan, pilot project atan Raj Bhavan chhim lam leh hmar lam gate inkarah hmalak phawt an rel a; April 29, 2016 aia tlai loah kawng sir tawn tawna hrui thlung zawng zawng tag siamin chhinchhiah vek tur a ni a, chumi hnuah hruite chu mumala thlun khawm leh kaih ṭhat hnatlang neih a ni ang.

Raj Bhavan chhim lam gate leh hmar lam gate inkar chinfel a nih hnuah, Aizawl veng hrang hranga hmalak dan tur ruahmanna siam leh a ni ang.