N Sabuala zu siamna tichhia

Mamita Excise & Narcotics department (END) mite chuan nimin khan North Sabual ram chhunga zu siamna hmun a tichhia a, rakzu eng emaw zat an man.

END mite chu North Sabual khaw ram chhungah ruihhlo do beihpui thlakin an awm a; nimin khan rakzu siamna hmun 12 luh chhuahin an tichhiat a, zu bilh lai ṭín 350 an tihchhiat bakah, rakzu litre 65 leh zu siamna bél 18 an man a ni.

Mamit-a END assistant commissioner Lalsangzuala Ralte chuan, Lok Sabha inthlanna felfai leh thianghlim, boruak muanawm tak hnuaia neih a nih theih nan theihtawpin ruihhlo do beihpui an thlak zel dawn thu a sawi.